Ինչպե՞ս ազատվել դեմքի ծակոտիներից. 168.am

Fithacker.ru-ն գրում է, որ բոլորի մաշկի վրա առկա են ծակոտիներ, սակայն խնդիրն առավել սուր է այն անձանց մոտ, ովքեր յուղոտ մաշկ ունեն։ Այս դեպքում դրանք կարող են տգեղացնել մաշկը։ Դրանցից ազատվելու համար գոյություն ունեն կոսմետիկ միջոցներ, սակայն խնդրից կարելի է արդյունավետ ազատվել նաև բնական միջոցների օգնությամբ։

Սպիտակուց և կիտրոնի հյութ։ Կիտրոնի հյութը և 2 ձվի սպիտակուցը խառնեք։ Պատրաստեք խյուս, քսեք մաքուր դեմքին։ 15 րոպե անց լվացեք դեմքը։

Լոլիկ և կիտրոնի հյութ։ Տրորեք 2 լոլիկը, ավելացրեք կիտրոնի հյութը, խառնեք։ Քսեք դեմքին, թողեք 15 րոպե, լվացեք դեմքը։

Կիտրոն և վարունգ։ Մաքրեք վարունգը, առանձնացրեք փափուկ հատվածը։ 1 թեյի գդալ ջուրն ու 4 կաթիլ կիտրոնի հյութը խառնեք դրան, քսեք դեմքին։ 15 րոպե անց լվացեք։

Արքայախնձորի և կիտրոնի հյութ։ 2 ճաշի գդալ արքայախնձորի հյութը խառնեք մի փոքր կիտրոնի հյութի հետ։ Բամբակը թրջեք այս խառնուրդով, դրեք դեմքին և թողեք 10 րոպե։ Ժամանակը լրանալուց հետո լվացեք դեմքը։

Նուշ և կիտրոնի հյութ։ Նշի վրա ջուր ավելացրեք, թողեք ամբողջ գիշեր։ Առավոտյան մանրացրեք նուշը, ավելացրեք 1 թեյի գդալ կիտրոնի հյութ, խառնեք։ Քսեք դեմքին։ Լվացեք 25 րոպե անց։

Հարցեր, պատասխաններ, մեկնաբանություններ